رواية يوتبيا لأحمد خالد توفيق .. باصنفها من الروايات المُرعبه
اكتر حاجه رعبتني فيها .. التصور المظلم للمستقبل, في كتابات تانيه قرأتها عرضت لهذا التصور المظلم بس مش من الجانب ده, مش الفساد الاخلاقي و الديني ده
فقدان الهوية اكتر حاجه استوقفتني
الموضوع مش مجرد ان الناس ما بقتش تتكلم لغتها ولا تتعامل بشخصيتها ولا الكلام اللي بنُلام عليه دلوقتي ده
في يوتوبيا الناس دمها بِرد .. كلمة "حمية" دي مش موجوده
مفيش انتماء لاي حاجه ايا كانت
بطريقة ما
.. حسيت ان النتيجه المفجعه دي ممكن تبقى نتيجة للتفريط المرحلي المتدرج اللي بنقع فيه دلوقتي طول الوقت
الكلمات دي لـ شريف خيري بتوضح اكتر انا عايزه اقول ايه :
"كالعادة دايما بنحب ندوّر على حلول مشاكلنا برة الدين ونحصر الدين في الأمور الروحية ولا كإننا مسلمين.. لو قلت حل من الدين تبقى متخلف.. لو قلت نفس الحل بتعبيرات أخرى تبقى جامد.. لو غيّرت تعبيرات الدين الناس هتحبّك.. استبدل كلمة "نهي عن منكر" بـ "شهامة الشباب" واستبدل كلمة "حدّ" بـ "عقاب رادع" واستبدل كلمة "الربا" بكلمة "الفايدة المجحفة" واستبدل كلمات "الزكاة والصدقة" بـ "حقوق الفقراء".. إلخ
اللوم علينا أولا علشان بنخاف من تعبيرات احنا نفسنا بنؤمن بيها في ديننا وعارفين إن معناها كويس، لكن اللوم الأكبر على الخطباء والمنتسبين للدين اللي فضلوا فترة طويلة يستخدموا التعبيرات دي في غير مكانها فأصبح وقعها على النفوس سيئ ودايما مرتبط بمعنى ظالم أو متخلف..
أرجع وأكرر: إن انتشار الكفر في العالم يحمل نصف أوزاره متدينون، بغّضوا الله إلى الناس بسوء صنيعهم وسوء كلامهم.."
http://www.facebook.com/SherifKhairy7/posts/10151131801888324
هاضيف على كلام شريف خيري حاجه
ابتداع مصطلحات جديده احنا مش محتاجينلها اطلاقا .. زي ليبراليه على سبيل المثال لا الحصر
من وجهة نظري,
أنا كـ مُسلمه مش محتاجه ألجأ للـ ليبراليه عشان اعرف ايه هي الحريات اللي متاحه ليا و آخد حق ممارستها
الاسلام بيكفلي كل الحريات "الممكنه"
أي حريه هلاقيها في الليبراليه و مش هلاقيها في الاسلام هي حاجه غير مباح ليا اني امارسها اصلا ..
فانا كده يا إما محتاجه اراجع اقتناعي بالليبراليه .. يا بالاسلام
و لو هاخد من الليبراليه ما يتناسب مع خلفيتي الاسلاميه و اترك اللي مش متناسب معايا
يبقى انا كده بالعب
D:
و لو المشكله في اللي بيمثلوا الاسلام يبقى انا ندل و جبان و اناني انني سايب الاسلام اللي انا مقتنع بيه و منتمي ليه يغرق
ورايح ادورلي على بدائل
...
للحديث بقيه
