السعادة فكرة =)

قرأتها 

أعجبتني

نشرتها

أعجبت أصدقائي 

 فقزت فكرة إلى ذهن أحدهم 

خلال مناقشاتنا حول التدوينة

ماذا لو كتبنا جميعا في نفس الموضوع ؟ 

تعليقا عليها أو استكمالاً لها أو .. أيا كان

و قد كان =)

التدوينة الأصلية "المُلهمة"

لـ محمد عيسى 
"كانت استكمالاً لنقاش لم يرغب في اثارته من الاساس D:"

بلا تفاصيل

-1-

بدأت نوران ياسر سلسلة الرد :) 

و شجعتنا على تنفيذ الفكرة فعلا

في تدوينتها الرائعة :)

لكني .. أعشق التفاصيل

-2-

بعدها تحدثت أنا 

Silent Interaction

-3-

و اختتم محمد عبد المجيد التجربة 

بتدوينته المميزة جداً :)

تفاصيل

لم استمتع بكتابة تدوينة بقدر تلك التي شاركت بها في هذه التجربة

لم استمتع بقراءة شئ بقدر تلك المجموعة من التدوينات

مجموعة مميزة جدا ! :)

مشاركة الأفكار قبل و أثناء و بعد الكتابة هو سبب تميزها

أتمنى ان تتكرر تلك التجربة مرات و مرات :) 

#شكراً

SILENT INTERACTION

السعادة الخطرة، تلك الحالة التي لا أفسر و أنا عليها أيا ما كان بتفسيرات لائقه مجتمعياً .. 

أجبر حينها نفسي على الانعزال حتى لا يُظن بي الجنون! .. 

لم استطع بعد كسر ذاك الحاجز، و أفضّل احترامه .. لكنني الآن ولبعض الوقت أريد أن أنعم ببعض السعادة المُحرّمة 

ربما سأحظى بذلك لو شاركتكم بعض التفاصيل عن قائمة الـ Silent Interactions الخاصة بي ؟

انها كل ما أعرف عن الصداقة و الحب مجتمعان .. أفضل ما استطيع وصف علاقة ما بيني و بين أحدهم هي أن ادرج اسمه في هذا القائمة  .. أؤمن أن هنالك سمة مميزة تربطني بكل من أحب، او أنني أحببتهم عندما وجدت ذالك الشئ فيهم .. أحبهم كما لم أحب أحداً على الاطلاق .. أحب تمني الأفضل لهم .. احب ضحكاتهم و ان كنت لا أعرف كيف تكون! =) 

صداقتي بكم هي الأقوى.. 

تعلمون .. 

أعلم حين أكتب عنكم انكم تبتسمون :) لأنكم ببساطة تعلمون .. و أعلم أيضاً أن بعضكم لا يفكر حتى في البحث بين أوراقي الاليكترونية ليعلم ان كان هناك ما يربطنا أم لا .. لا يهم، :) 

يكفي أنني اشعر بوقع اقدامكم حولي .. أنفاسكم  تقويني .. كلماتكم دائما ما تراقص أفكاري .. أراكم في كل خطوة مترددة لي تثنون علي، تدفعونني دفعاً نحو الأفضل .. 

أستطيع مشاركتكم معظم أوقات يومي .. حسناً، دائماً ما أفعل =)) 

" كل تلك التفاصيل عن الاشخاص تجعل من اصحابها حقيقه واقعيه لكن صدقني مهما كنت رائعاً فقد كنت اكثر روعة في مخيلتي بلا تفاصيل... " 

- بلا تفاصيل ... لـ محمد عيسى 

انتم دائماً أروع في مخيلتي .. 

شوقي لمعرفة المزيد عنكم أروع من تلك الساعة المشؤومة من الاسئلة المتبادلة التي يخرج منها كلانا بضيق من كلمات لم ترضينا و صفات لم و لن نكن لنلمسها دون اشارة  لانها ببساطة غير حقيقية .. الحقيقة التي أحيا بها هي ما أصُدِّق أنا و أرى، لا ما تظن انت بنفسك و تشيعه عنك! .. كلماتك تحمل أحيانا فخر بماضٍ هزيل .. ألم من فشل زائف .. و .. و انطفاء شوق ثم .. لا شئ!

التفاصيل ممتعة لا محالة، عندما تكون صادقة .. كذلك فان زيادتها هي الملل بعينة .. 

ما معنى أن آكل 3 أو 4 قطع متتالية من نوع الشكولاته المفضل لدي!؟  .. واحدة تكفي أو ربما أقل من واحدة ..

الشوق للمزيد أنعم و أرقى من الاكتفاء أو الشَبع، على مستويات عدة أجد تلك القناعة مُرضية.

#هيـــح .. لا أشعر براحة كبيرة بعد كل تلك هذه الاعترافات!

 .. لا بأس :) 

بدون عنوان ..

قلوب عميا و ضماير ماتتت و عفنت، ناس اتخذوا العنصرية منهج حياة .. و ارتضوه لأنفسهم شرعة و منهاجا 

و عقول شاخت و الشيب حرقها و لسه شايفه في نفسها القدرة على ادارة الكون!!! و مصلحجيه مفضوحين! مبتذلين! اشبه بالحيوانات .. مش عايشيين الا لانفسهم و بـــــــس! 

عندهم استعداد يضحوا باي حاجه ايا كانت لارضاء شهواتهم السلطويه العفنه !

نفسي أفهم الحيوان اللي كل كلامه بتفوح منه رائحة لعابه العفن السائل على السلطه ده عايز من السلطه ايه!!!!؟؟؟؟ 

مقتنع انه هايبقى بعيد عن الهم ده كله ازاي؟؟ مقتنع ازاي ان الناس مش هاتثور عليه .. و انه مفيش حد استغلالي انتهازي زيه هايطلعله يفتعل أي حاجه يوقعه بيها زي ما انت -يا حقير- بتعمل!!

ليـــــــــــــــــــــــــــــه؟؟ في ايه على الكرسي يا أغبيا!! 

انت مستهون بالمسؤوليه؟؟ 

انت مش مركز انت بتروح لايه؟؟ 

انت هايبقى في رقبتك 90 مليون بني أدم هاتتسئل عنهم! يا حلوف !! 

لو عندك حاجه عدله طلعها ساعد بيها من دلوقتي و لا هي سر !؟؟ 

لازم توقعيك يبقى عليها من تحت عشان تعرف تعملها ؟؟ 

في ايه؟؟ 

انت فاكر انك هاتعرف تعمل حاجه لوحدك أصلا؟ تبقى حمار والله حمار!

ازاي حاكم البلاد -ايا كان هو مين في الجماعه القذرة دي بالظبط!!- قادر يستحمل تناقضه!

ازاااااااااااي!!!! 

يا مرسي .. انت عارف انك كداب؟؟

حد وراه طيب كلامه مع سي خيري رمضان .. و المواقف العبقرية اللي مش فاهمه هي ازاي متفصله بالمللي كده على اللي بيحصل دلوقتي؟؟

حد يفكره طيب هو رد قال ايه ساعتها!

حد يفكره ان سكـــــــــــــــــــــوت مبارك هو اللي صعّد المطالب .. هو اللي زود كره الناس ليه 

حد يفكره ان الصمت الطويل ده بيزود عليه الحمل مش بيخففه !!

الناس مش هاتنسى ! 

انت فعلا بني آدم مثير للشفقه .. 

مش متخيله انت ازاي مستحمل تأنيب ضميرك! ازاي شايف الناس بتموت حوالين قصرك و ساكت! ياخي طب مؤيدينك حتى!! 

مش هاقولك اسمع للي معارضينك و شوف رأيهم ايه -مع ان ده واجب عليك و المفروض تعمله غصب عنك !!- .. مؤيديينك اللي دايريين في كل حته يقوللوا كل اللي ماتوا مننا احنا يا بلطجيه!

فرحان انت انهم بيموتوا؟؟؟ 

هل المفروض عشان هما بيأيدوك يموتوا دونك كده عادي! وانت قاعد حتى ما طلعتش تقولهم كلمتين ؟؟  .. انت ايه!؟؟؟ دين أهل سيادتك اسمه اييييييييييييييه!؟؟؟؟؟؟؟؟

اتكامنا 3000 مره قبل كده على النقاش .. الحوار .. اتكلم معانا يا اخي!!

انت مش شايف الشعب ده قد ايه؟؟

مش شايف كمية الشباب اللي محروق دمها على البلد قد ايه؟؟؟ 

هي الناس دي مثلا فاضيه مورهاش حاجه ؟؟ و لا هما مقطوعين للهم و النكد يعني ولا انت فاكر ايه ؟؟ 

انا عايزه افهم انت شايفنا ايه!!؟؟؟

انت متخيل كمية القوة البشريه المتحمسه  اللي في البلد دي لو قامت على مشروع قومي كلنا اشتغلنا فيه البلد دي هايتقلب حالها ازاي؟؟ 

انت عارف انك حمار انك مش مستغل الشعب ده الاستغلال الامثل؟؟

احنا لو واثقين فيك .. و انت لو كان عندك مشروع اصلا!!! فيه مشروع قومي يملا العين .. كنا هانشتغل و ننتج و البلد دي تبقى احسن  .. و كنا ساعتها ممكن نصبر معاك! بس لو فهمنا!!!!!!! فهمنا في اييييييييييييييييييه؟؟؟؟؟؟؟ مش يمكن نعذرك؟؟؟؟؟؟؟

مش هانفترض حسن النيه احنا!! 

اتباع جماعتك كلامهم مستفز!!! بيعرفوا الاخبار قبل ما انت تعلنها حتى! في ايه ؟؟؟ انت رئيس مين بالظبط؟؟؟؟؟؟؟

هما شعب درجة أولى و احنا الشعب رقم 2؟؟ 

ولا هما أصلا معاك في اتخاذ القرار؟؟؟ .. ها!؟؟؟ 

و تيجوا تلومونا بعد كده على سوء الظن!!!! أصلا حسن ظن ايه و زفت ايه!؟؟ احنا لينا عندك انك تدير البلد دي عدل .. عرفت تدريها كان بها .. ماعرفتش يبقى نتناقش و نشوف حل .. ما رضيتش تسمك يبقى غور في 60 داهية بناقص وجع قلب!!!!!

مينفعش تتفق مع الشعب على حاجه و ترجع تخلفها و تبقى عايزنا نسكت!! مينفعش!!!!!!!! احنا مش بهايم!

و لازم تفهم اننا مش واثقين فيك ! و تعاملاتك دي بتموت الثقه أكتر! 

مش متخيله بجد كمية الناس اللي ندمانه دلوقتي على اللمون اللي عصرتوا و انتخبتك! .. انت مش حاسس باي حاجه؟؟؟ مش حاسس انك خنت الأمانه؟؟ مش حاسس انك مكسوف تقابل ربنا بكمية الغضب و السخط اللي عليك دي من الشعب اللي وليت عليه؟؟ واللي اتضاف عليها دم كمان مؤخرا!! 

مش شايف طيب؟؟ .. قولنا ايه المشكله يمكن نعرف نعالجها معاك ! يمكن!

احنا ما بقيناش فاهمين حاجه!! 

خيام بتتشد .. و ناس مخطوفه .. و ناس مضروبه متخرشمه .. و ناس بتقول احنا اتعذبنا و في ناس قولونا كلام غصب عنا .. و فيديو لناس بدقون "بفترض صاحب الفيديو انهم المؤيديين" بيضربوا نار و يحدفوا طوب على الجهه الاخرى .. و فيديو تاني لناس مش بدقون "يفترض صاحب الفيديو هنا انهم المعارضيين" بيضربوا نار و يحدفوا طوب على الجهه الاخرى  .. وفلول فاكرين نفسهم الثوره! .. و اعلام ابن كلب كالعاده! .. و ناس بتتاجر بالدين بابشع الطرق ابتذالا!!! و بتستشهد بامثله مؤلمه!! التثبيهات في حد ذاتهم مقرفه! .. و ناس بتتاجر بثورة لم يشاركوا فيها الا بانتهاز الفرص -ومازالوا- و اقحام شباب مندفع في لعبتهم الوسخه!! .. فيه ايه؟؟؟ 

انت يا بقرة ياللي ماسك مسدس ولا طوبه و لا أيا كان و بتحدف بيها الناحيه التانيه!

انت عايز ايه بالظيط؟

عايزه يموت؟ 

لو جهه من الاتنين موتت 1000 واحد من الجهه التانيه .. اللي هايحصل؟ 

هاتكسب ايه يعني؟ 

الناس هاتتعاطف معاك؟ هاتصدقك؟ هاتؤمن بمطالبك؟ 

ماعتقدش!!

طب تفتكر هاينسوهالك؟ هايسيبوك في حالك؟ 

الطوبة اللي انت ماسكها دي دعوة صريحه منك للي حواليك بانهم يكرهوك! و ينبذوا افكارك .. و ينبذوك انت شخصيا!

آه بالمناسبه .. حالة تبييت النيه للقتل دي مختلفه .. 

يعني حضرتك ياللي ماسك سلاح بتموت بيه واحد من الطرف التاني لما تموت باذن الله مش هاتبقى شهيد ولا حاجه .. آه والله 

في النار بعون الله .. انت و اللي قتلك .. عشان نبقى متفقين بس!! يا غبي!!!!!!

.

.

.

لما تكتب و انت عارف انك هاتمسح كل اللي كتبته قريب جدا .. لانك ببساطه ماقلتش حاجه جديده .. !
ما أضيفتش الا نقطة سودا جديده .. بتزود الحزن و الألم و الاحباط و اليأس اللي ملوا النفوس و فاضوا!

حاولت أقرأ البوست تاني عشان أمسح آثار انفعالاتي و أوصل لنص أقرب إلى الموضوعية بس مقدرتش أكمل عملية الـ تنظيف دي ولا أقرأه أكتر من كده، معذرة ..

أ.د. نبيل الهادي ..

 نِعمَ االمُعلم أنت  :) 

#Respect لأبعد الحدود 

.

.

.