لسبب ما .. اخترت أن تكون كلماتي التالية استكمالاً لما ذكرت سالفاً في يوتوبيا .. المدينة الغير فاضله -1
" لا لا فكوني من الاسلام ده أنا كرهتو بسببكم! "
ارجع بالزمن نص ساعة كده قبل القرار ده ..
لما كنت لسة مُسلم
ها؟ قلتلي في تصرفات معجبتكش من مسلمين ..؟
لااا دول مشايخ كمان ؟؟؟
من غير لف و لا دوران .. لو انت مسلم بجد و حامل رسالة الاسلام صح و مقدر يعني ايه (انا جزء من الاسلام .. أنا مسلم) .. و مقدر حجم المسؤولية اللي عليك لكونك هذا المسلم .. دور و اتاكد و افقع عين اللي يغلط رُبع غلطه في الدين اللي انت منتمي ليه
مشكلتي الوحيده في كلمة "بسببكم" .. مينفعش يبقى فيه شماعات نعلق عليها الحادنا ولا خروجنا عن الملة! تحمّل مسؤولية نفسك و مسؤولية قناعاتك و قراراتك مهما كان اللي حواليك عاملين ازاي!
أمال ايه جهاد النفس .. و ايه القابض على جمرة .. و .. و .. !
مـــــش هاكــــون جزء من اقتناعك بانك "الضحية" مش هاشجعك ولا هاقولك معلش احنا آسفين حقك عليا .. في الموضوع ده بالذات مش هاشجعك
أينعم اللي بيخطئ في تمثيل الدين بالصورة الصحيحة غلطان من ساسة لراسة -يارب سلم و متجعلناش منهم يارب- و اعتقد والله أعلم انه هايتحاسب على كل تشتيت سببه للناس فعلا أشد حساب ..
بس احنا لازم نبقى أقوى و أرقى و أكثر حرصا على الاسلام منهم .. حتى لو كان اسمهم "شيوخ" !
لانه شئنا أم أبينا .. الاسلام فكرة و ثورة و منهج .. الاسلام مش أشخاص!! ابدا!
و اللي تسول له نفسه انه يدعي انه هو الاسلام غلطان .. و انت لو حسيت بكده ناحية أي بني آدم تبقى غلطااان .. !
لانه باختصار شديد كما في حديث الرسول صلى الله عليه و سلم : "كل بنى آدم خطاء، وخير الخطَّائين التوّابون "
في تفسير الحديث ده بيقولك:
لانه باختصار شديد كما في حديث الرسول صلى الله عليه و سلم : "كل بنى آدم خطاء، وخير الخطَّائين التوّابون "
في تفسير الحديث ده بيقولك:
" ..... إلا أن الإنسان المسلم مهما بلغ صلاحه فإنه عرضة لأن يقع في بعض المحظورات ولم يستثن من ذلك إلا الأنبياء والرسل، فلقد عصمهم الله من الوقوع في المعاصي، وأما من سواهم فليس بمعصوم فهو عرضة للخطأ والغفلة والنسيان والجهل ....... كذلك قد يقصر الإنسان في طلب العلم الشرعي فيقع في الحرام بجهل وهذا كثير جداً ....... فلا يوجد أحد مهما كان إيمانه إلا ويحدث له بعض الأمور التي ذكرناها ولقد شاء الله ألا يعصم العبد من الوقوع في المعاصي لحكم يعلمها هو سبحانه ...... "
المصدر: islamweb
و بعدين فكرة انك تعيد تفكير في الدين دي أنا شايفاها بجد لو بتتاخد بنية "فهم أعمق" فهي عين العقل .. أصل ده عذاب و جنة و نار و هم ناقح!
الموضوع مش مستحمل أي مجازفة من أي نوع ..
الواحد فجأه هايموت!
و هايقابل حساب تفصيلي عن كل لحظة عاشها! .. لازم ابقى مقتنع باللي بعمله في الدينا قبل ما اقابل ربي اللي مؤمنه بيه و اتحاسب حسابة !!!
عبد الرحمن الشامي طرح الموضوع ده من منظور مختلف اقنعني جدا !
كنت أمجد العلوم والرياضياتوأجدنى معها فى ملكوت آخر من عشق الربفأنا أدعى أنى أنسب ايمانى برب العالمين إلى الرياضياتأذكر فى مرحلتى الاعداديةحين قررت مع نفسى أن أخرج نفسى طواعية من عباءة الايمانوأن أصير ملحدا كافرا غير مؤمن بأى شئ سوى عقلىوأن أناجى ربى كما ناجى سيدنا ابراهيم ( عليه السلام ) أن يهديهفأنطلق مع نفسى من الالحاد الى آلهة الاغريق مرورا بأرباب الفراعنةإلى الأشخاص المؤلهين فبوذا فكونفوشيوس فتأليه الانسان ذاته فى أعقد الفلسفات الأوربيةوأجدنى أرجعها للرياضيات والمنطق والفلسفة ( الذين أدعى عشقهم )فأمكث مع نفسى الليالى الطوال أحسبها وأقدمها وأأخرهافلا أجد سبيل لاقتناع إلا بما عهدتنى منذ الطفولة مقتنع بهولكن ياله من أختلاففليس الاقتناع قبل كالاقتناع بعدفيالبهجتى أن أجدنى مغايرا كفارالعنهم الله فى كتابه أنهم كفروا لأنهم ولدوا فعبدوا ماوجدوا أبائهم عابدين دونما أى تفكير !!ففيم كنت أختلف أنا عنهم حينها !!!
احنا - كمسلمين - مينفعش نبقى تابعين! حتى لآبائنا .. المفروض ان دي فكرة الاسلام ثار عليها!!
فمنطقي جدا اننا نرفضها من منطلق اقتناعنا و اعتناقنا للاسلام!
يمكن أنا صعب عليا -على الأقل حاليا- اني ألجأ لحل التجرد من الدين ده.. في حل تاني مريحني اكتر ...... علوم شرعية!
دراسة العلوم الشرعية -في نظري- لازم تطلع فتوى انه فرض على كل مسلم .. عشان نخلص من الشغلانه دي بجد
هحاول ابدأ بنفسي في أقرب فرصة متاحة ان شاء الله ..
افهم الدين ده صح بقى .. على أصولة
و أبقى بعرف أرد صح .. بأدلة قوية
لحد ما يجد في الامور أمور أنا مسلمة معتزة باسلامي بحاول أقرب قدر الإمكان من المثال الصح للمُسلمة
بس الموضوع بطريقة الـ trial & error سخيف و طويل و مضلل و يجيب تشتت و مقرف فعلا!
هو آه فيه نقطة ايجابية .. اللي هي اني خلاص جربت اتصرف بالطريقة الفلانية و لقيتها مش مناسبة .. التجربة كويسة في كده .. والفعل بيعلّم أكتر من التلقين من وجهة نظري .. بس برضو لو الواحد فاهم أكتر هاتفرق أكتر و أكتر و أكترررررر ..
لازم عِلم ! لازم !
الله المستعان
و ..
ربما يكون للحديث بقية
ملحوظة: المناقشة دي هي بداية الموضوع من ردودي الشخصية فيها اقتبست الكثير من الجمل
