حلال

لما تتحط في موقف تحس انك اتزنقت و مش عارف تتصرف 

و مفيش في بالك الا تصرف واحد بس .. و التصرف ده غلط ! حرام! و انت متأكد انه حرام .. 

و تبقى هاتتجن و تعمله عشان ترتاح .. مش لاقي غيره ! و نفسك ترتاح .. حقك ترتاح .. 

بس فجأه كده ربنا يلهمك ما تعملش التصرف ده .. 

تلحق نفسك قبل ما تقع بمفيش

تقعد كده بتاكل في نفسك بس "صابر" .. 

مع انك ملقتش حل لسه لمشكلتك .. 

بس ايه ؟ 

صابر .. 

و تلاقي بعدها بدقااااااايق ! دقايق والله 

ربنا باعتلك حد يطبطب عليك بكلمه حلوه .. 

رساله من ربنا بتقولك انت فيك خير .. 

انت كويس

تستشعر اوي اسم الله الكريم , القريب , الودود ..

و تستغرب ازاي الشكر مكنش عادتك من زمان ؟

ازاي محتسش بكده الا دلوقتي

و تلاقي دماغك نورت فجأه

و جه في بالك ميت حل ..

حلال .. 

الحمد لله