اطلِق خَيالك
.. جرّب
ماتسيبش حد يوهِمك ان في شئ ممكن يِكتِمك
! .. بس اوعى
اوعى تلاقي حد بيسلِبك
ببجَاحه .. كُره .. غَشامه او سَهوكه
حق السَعاده اللي احنا بيه و ليه عايشين
! و ماتوقفوش
أو تفكّر انك حتى .. ترحموا
اطلق عليه العيّل الفَرحان جُواك
.. اقهر تعاسته و بكّي حُزنه من فَرحتك .. من قِوتك
جرّب تقرر .. تعيش سعيد
امسَح كُل اللي بيمنَعك من الابتسام
من الضِحك بأعلى صوت
من القهقهه
مين مانعك تبقى عايش كده ؟
و سايبه ليه ؟
بامارة ايه ؟
!امسحه
! اوعى تفتِكر انك ممن تبقى مِش مَبسوط و صَح
افرح و فرّح كُل قَلب يهمّك يبقى جَنبك
ماتعيشش الا بين قُلوب فرحَانه
اشحن حَياتك بضِحكه حِلوه ترسِمها كُل ما تِعطش سَعاده
على وِش حد بتعشقه
و ماتتكسفش تعلّي صُوتك بغنوه حلوه بتعَاكسك
في وسط زَحمة ناس في عِز الحَر
غني بنشوة و ظأططه
و افرح بكل بَسمة مِستغربه هاتترسم على وشوش مِكشرين
من الشّمس زهقانين
و من الزحمه كفرانين
.. قَدّس الضِحكه
.. و كبّرها
.. و كتّرها
.. و شجع اصحابك عليها
.. عيش كما الأمير
عيش حُـــــــــــر بالضحكه
جميلة جدا :)
ردحذفشكرا جدا :)
حذف