مني .. إلي

عايزة أكتبلي على الملأ مره بقى و عيد ميلادي فرصة لا تعوض =) 

احم احم .. أولا أعياد الميلاد بدعة يعني عشان نبقى متفقين D: عشان ماتظيطيش بس!! :)) 

لا بجد .. بصي, 

أنا فاكرة من كام شهر و انتي مصدومة اننا هانكمل 23 سنه بعد شوية ايام بس!

رعب الاجابة عن سؤال: فيم أفنيت عمرك؟ .. بين يدي الله 

طيب طيب .. مرعب جدا! فكرة الحساب كلها مرعبة !!

بس انتي بتتعلمي بسرعة, أو يعني على الاقل ما بتنسيش كده و تسيبي نفسك, يعني الحاجه العدلة اللي فيكي ذاك النزناز اللي جايبلي صداع ده .. ايون 

حافظي عليه .. انتي من غيره ولا حاجه .. يارب مايجيش يومك قبل ما نزنازك يكون انتصر عليكي انتصار كامل =)) قولي آمين 

عموما السنه اللي فاتت مكانتش عادية ابدا .. 

اتعلمنا منها حاجات كتير جدا , لو لازم احط جملة واحده هي اكتر حاجة اتعلمتها أكيد هاتبقى 

" اننا عرفنا انه مش من حقنا نكون سبب في سحب شوية طاقة انبساط حلوة من حوالين حد" 

كل بني آدم من حقة يفرح, يتسمع, يحس بونس و يتحب .. حتى لو احنا مش طايقينه :) 

*

*

نفسي تحبي أكتر 

نفسي تسيبي نفسك تجربي أكتر

نفسي ما تبطليش تلبسي الفانس الأصفر ^^ و لا الشنطة الباك .. عادي يعني اتخرجتي مش مشكله! ده حماده و ده حمادة 

اشتري باتيناج جديد و عيدي ايام الطفوله تاني .. أكيد هايجي يوم و تبقي بتقضي مشاويير بيه زي ما انتي عايزة .. و البتاع التاني اللي مش عارفين اسمه ده كمان D: اعرفي اسمه و جيبيه و العبي بيه ان شاء الله في البلكونة مؤقتا D:D: 

انتي عارفة انه مفيش ستاندرد للطريق الصح :) ما تهلكيش نفسك بـ تو-دو-ليست انتي عارفة انك هاتغيريها على الأقل كل شهر!! :) 

فكري أكتر .. جربي بجرأه  .. اقري كتير .. اتعلمي حاجة عن كل حاجة  .. اكتسبي خبره في كل حاجه .. 

انجحي .. 

*

*

و أحسني إلى نزنازك و انصتي له .. يا صاحبتي :)